邵方逸華女士追思會今日在將軍澳召氏片廠舉行，前特首梁振英及太太唐青儀、汪明荃(阿姐)、鄭丹瑞、楊秀惠、裕美等均有出席，梁振英由前無綫行政主席梁乃鵬及無綫行政總裁李寶安陪伴左右，並向方逸華兩位妹妹慰問。

穿素服的汪明荃在禮堂內與樂易玲密斟，汪明荃受訪時，被問到方逸華有沒有甚麼說話較令她刻骨銘心？阿姐說﹕「真正傾偈好少，但方小姐係一位我好尊敬嘅女性，無論家庭同事業都照顧得好好，尤其照顧阿Sir(六叔)方面照顧得好好，咁長命，太太嘅功勞一定唔少得，同埋喺工作方面都提供咗好多幫助畀六叔。」

方逸華曾經做過歌星，後來轉型到幕後發展，但仍能做得好出色，這一點阿姐都大讚謂﹕「佢係一個工作能力好強嘅人，尤其阿Sir同小姐(方逸華)喺慈善方面做得好好，好值得人尊敬。(有乜對你影響最深？)為人，同生前所做嘅事及方法，我同佢較親切，我都喺無綫47年，好似一家人一樣，方小姐好錫我哋。」

阿姐直言對方小姐離世感到好突然，她說﹕「之後冇乜聽過佢有乜病痛，係突然，但始終人身體好難講。今年50周年台慶，對佢哋呢代嘅人係好重要嘅里程碑，當晚有奇怪方小姐冇現身。(現在更珍惜眼前人？)都係㗎，我一向活在當下，好珍惜眼前人。」