現年56歲嘅影帝黃秋生（Anthony），原來與太太育有兩子外，亦與父親Frederick William Perry一樣有婚外情及私生子。秋生與母親相依為命，非常孝順，口中甚少提及生父，因為父親喺佢4歲時，離開咗秋生母子。秋生爸爸係英殖時代香港高級公務員，去年佢喺facebook貼出全家福尋親，之後佢接受BBC（英國廣播公司）訪問，網民再次關注秋生尋父事件，最後今年3月，秋生終於尋親成功，同佢一對74歲、同父異母孖生兄弟John William及David Frederick喺香港相認重逢。(新聞連結： https://bit.ly/2DWlO7G )

秋生喺單親成長下有唔少遺憾同陰影，去年接受訪問時曾透露已釋懷不會強求搵生父：「有時人生有啲嘢係咁㗎啦，好似疤痕咁，佢永遠都喺度，佢話俾你聽你嘅過往，係一啲紀錄⋯⋯無需要介意。」到秋生有自己家庭亦重蹈覆轍，與另一女子育有私生子，不過喺分別在於多年內，一直有與這個「家庭」有聯絡照顧，供書教學。

對於父子情，外形剛烈嘅秋生雖自少缺乏父愛，沒有一個父親榜樣，但與正印所生的一對仔睿銘及煜政相處時，就係慈父一名，早年訪問中提及一家四口是普通屋企正常人生活，會同兒子踢波、食飯、游水，兒子非常敬畏他，但仍常常跟他吐心事，父子相處融洽。對於點樣處理父子關係，佢曾接受傳媒訪問時，提過：「自己雖然唔係時常陪伴兒子，但喺佢哋需要我嘅時候，一定會出現支持。我希望自己能擔當扶助兒子成長嘅角色，但需要點到即止，而唔係處處限制佢哋。」秋生相當緊張兒子，如大仔兩年前在美國遇上車禍，由於有工作在身，加上他未確定兒子安好即緊張流下男兒淚，好彩最後吉人天相。今年大仔在美國畢業，會留在當地工作，他十分關注對方前途：「他的同學們都做收銀；一般機構不會請學生，他也見過很多份工，我就晚晚祈禱，都幾奇蹟吓，他找到一份在國際公司的工作，有很多福利，好像本土公民一樣，非常好彩。」而他與大仔睿銘曾父子檔拍電影《報應》，而他就自言二仔性格與他相似，自小隨他學「大聖劈掛」，兩父子互相切磋。

精選娛聞，喺晒《娛果》
http://fb.com/appledailyent