今年6月，盧凱彤在台灣「第28屆金曲獎頒獎典禮」上，憑《還不夠遠》捧走「最佳編曲人獎」，甫上頒獎台就說：「我要謝謝我太太！」太太是台灣著名攝影師余靜萍，盧凱彤承認，兩人已於去年在加拿大結婚。

這是盧凱彤經常不在港的原因。

林一峰都成日唔喺香港，原因，都係因為愛情。

十多年前，林一峰接受外國同志雜誌訪問時，已大方公開性向，他亦經常與男友拖手睇戲行街。

與同性密友訂婚的鄧達智，還有與雙性戀男伴度過九個年頭的顏福偉，最近分別受訪，談戀愛，也談同性平權。

戀愛明明是很個人的事，但一個人的性向，卻遭不關事的人用極盡侮辱、不堪不目的字眼予以攻擊羞辱。

異性戀複雜的男女關係，不會比同性之愛高尚。也無法相比。對同性戀者辱罵之人，也決不是品格高尚。但這些人比比皆是。

路難行，但林一峰在與他的世界裡，很快樂。至於對同性婚姻的憧憬，他說：「我相信社會權益。香港需要為人權做啲嘢，人權包括婚姻，每人都有選擇。」

九月底將假座九展舉行「我和你的床頭歌」演唱會、向偶像陳百強致敬的林一峰擔，日前接受商台節目《1圈圈 星光背後》主持人梁泰來訪問，無所不談，毋須忌憚。這位甫出道就無懼公開性取向的男生，從容面對輿論壓力，因為他有開明的父母。母親甚至幫他挑選男友。

早在02年，一個社會避談同性戀話題的年代，林一峰已勇於以藝人身份，公開自己是同性戀，現在回想，他稱：「有乜嘢好介意呢！一個人真摯，唔係重要過一切咩！如果一個人要左掩右掩、呃呃吓，咁係咪好冇癮呢！」

能忠於自己的取向，因為家人的支持，和自由度。在學時，林一峰已向父母「出櫃」。

「感恩！好感恩有思想開放嘅父母。佢哋從來冇干涉我感情事，佢哋最緊張係我健健康康、開開心心，這就可以了。」接受兒子性向，除咗因為父母思想開明，林一峰笑稱：「我諗係佢哋見我自細都唔會行差踏錯，做事好小心、好負責任，咁佢哋就好放心。」

被問到父母當時如何回應自己的感情生活？林一峰稱：「佢哋冇講乜嘢，因為我樂於主動同佢哋分享我嘅故事。爸爸唔會出聲，媽媽有時會評論『呢個男孩唔好，搵一個更好0架啦！』」

相關文章:
【富二代．雙性戀】「油王」顏福偉預咗被騙財：我五十幾歲，唔通貪我有皺紋咩？
http://bit.ly/2u6s5ZI

【訂婚後的同居生活】「要過對得住自己的生活」鄧達智：最緊要個廚房！
http://bit.ly/2eD7nON

【我唔可以失落咗佢】分晒俾子姪 鄧達智為與醫生男友結婚 放棄千萬祖業
http://bit.ly/2uS9dCA

【正式出櫃】承認去年加國結婚 盧凱彤捧金曲獎最佳編曲人：謝謝我太太！
http://bit.ly/2sCcOSH