法國文化年除咗有得睇畢加索真迹,重吸引到好多名人夫婦雙雙出席公開場合,好似噚日對推動中法藝術文化有貢獻人士的授勳儀式,就有多位名人攜眷出席。
獲頒最高榮譽「藝術文學高級騎士」勳章的名人,正是作家查良鏞。甚少公開露面、八十高齡嘅查大俠,噚日精神奕奕接受法國文化部長迪法柏嘅勳章,致辭時佢老人家重用一半英文一半法文答謝各界,查大俠的家人及不少老友,包括蔡瀾均有捧場。查大俠話,其實法國人同中國人一樣,都係咁熱愛文學,文學無疆界,查大俠的武俠小說,都繙譯成多國語言。
法國文化年香港區榮譽委員會主席李國寶,上月在巴黎已獲法國總統頒予勳章,寶Baby噚日拖住太太到場,講起賣地,佢話剛同李嘉誠食晏,席間誠哥話幅地「買得好,個仔好叻,買到呢塊地」。
傳真︰2623-9278
電郵︰
[email protected]