當年今日
關於我們

【60大壽】箍煲成功想同女友影泳裝留念 麥德羅:T-back都得㗎

蘋果日報 2018/12/11 13:21

劉麗萍麥德羅黃夏蕙

舞王麥德羅噚晚喺尖沙嘴舉行60大壽兼且同黃夏蕙(夏蕙姨)舉行上契儀式,早前麥德羅同卡啦ok老闆劉麗萍(Apple姐)分手,近日兩人成功復合,噚晚同埋契媽一家親現身。
麥德羅同Apple姐表現恩愛接受訪問,兩人不時打情罵俏,至於點樣o氹返apple姐,麥德羅最初只話慢慢o氹,Apple姐就爆:「佢用喊功,唔係獅吼功,我懷疑佢好好演技,隨時都喊得出。」麥德羅先話:「我咪喊住同佢講叫佢原諒我,下次唔敢,我好愛你,唔會亂咁同啲fans有啲乜。」 講到咁Apple姐承認信心大增:「係呀,其實大家都有責任,我先前都好忙,脾氣好差,對佢呼呼喝喝,最慘之前有壓力,肥咗廿幾磅,佢仲話我好肥,我話你搵個瘦骨仙啦,O依家用咗個半月減咗大約20磅,信心回復。」
麥德羅話自己鍾意靚嘅嘢,覺得Apple姐O依家好咗好多,Apple姐話要好似夏蕙姨咁靚。至於會唔會結婚?麥得羅話:「安排緊,畀多啲時間我搵多啲錢先,下次會求婚。」apple姐一聽到就話麥德羅說話好行,Apple姐話:「過往拒絕佢好多次,我太肥未有身材可以t着婚紗。」麥得羅好直接話:「影相抱都抱唔起佢啦,之前啲牛仔褲都着唔落,o依家先着到。」
而夏惠姨就話 之前Apple姐都冷落咗麥得羅,麥德羅就為自己補鑊話:「就係冷落咗我,啲fans先埋嚟。」仲話自己好優秀。麥得羅仲叫Apple姐努力減肥:「希望佢2019可以着三點式我睇,我就着泳褲,大家影番一輯相,T-back都可以,畀個機會自己有個目標。」
契媽黃夏蕙就話麥德羅唱歌好好,大家相識多年,將來可以一齊行善,唔係在乎錢,在乎心,最緊要出心去幫人做善事。而噚晚夏蕙姨一次過同十幾個契仔一齊進行上契儀式,麥德羅又有契仔,夏蕙姨就會有契孫,輩份好大,仲話:「等大家可以見吓面, 邊個係親戚都要知道,打咗二十幾隻金飯碗上契,講錢就傷感情,我哋講心。」
精選娛聞,喺晒《娛果》
http://fb.com/appledailyent
empty
早前麥德羅同卡啦ok老闆劉麗萍(Apple姐)分手,近日兩人成功復合。
empty
舞王麥德羅噚晚喺尖沙嘴舉行60大壽兼且同黃夏蕙(夏蕙姨)上契
empty
麥德羅同Apple姐表現恩愛接受訪問,兩人不時打情罵俏。
empty
點箍煲?麥得羅話:「我咪喊住同佢講叫佢原諒我,下次唔敢,我好愛你。」
empty
噚晚夏蕙姨一次過同十幾個契仔進行上契儀式。
empty
切蛋糕。