伯裘唔係名校，最近有學生喺公園索K而成為新聞。偏偏Gordon好有信心，透過喺校內組織樂團，建立學生自信心。佢仲語重心長咁話，唔想外間用有色眼鏡看待呢間學校。八方問佢，三年後真係可以帶學生去海外表演？佢話：「百分百有信心！我見得太多啲例子嘞，高雷中學兩年都可以去新加坡音樂交流啦。」
Gordon教細路仔音樂，最大特色係「有入冇出」，一旦收咗你，就永遠唔會放棄你，就算冇天份，點都諗啲嘢畀你做。呢位前高官指揮稍後仲會親自到伯裘落手落腳教音樂，誓言就算遇到難搞嘅學生，一樣會不離不棄，「絕對唔會犧牲任何一個孩子！」