徐天佑、吳海昕和劉俊謙合作的ViuTV新劇《二月廿九》將在下周一播放，今日3位主角到灣仔出席記者會，分享拍攝點滴，並送上蛋糕給在劇中2月29日出生的吳海昕。

該劇去年12月遠赴日本北海道取景，正值當地開始下大雪，對於要經常拍外景的他們是一個很難忘的體驗，天佑說：「一去到當地劇組就已經同我哋講話好好彩，因為我哋而家開始就係好凍嘅時候，平均氣溫係零下6至10度，但體感溫度就再凍啲。」

他們表示在冰天雪地的環境下連講對白都有困難，吳海昕笑言：「大風到眼都擘唔大，而且喉嚨凍到痺咗，講唔到嘢。」他們又透露自己在戶外貼上近20個暖包在身：「貼咗都係好凍，而且啲衫由着細碼變咗大碼，劉俊謙仲笑我隻腳粗咗好多，其實係貼晒暖包喺入面。」

提到憑電影《幻愛》入圍金像獎最佳新演員，劉俊謙笑言對提名感開心但不會期待，因不想給自己太大期望。但早前在電影評論學會中已奪最佳男演員，他認為機制不同，不能作準。對於今年金像獎取消實體頒獎禮，他說：「都有啲失望，始終自己係第一年參加。」旁邊的天佑就插嘴笑說：「好彩我套戲今年冇上，如果唔係你都冇得提名呀！」

《果GYM》隨身播 　健身壹App過！