梁詠琪(Gigi)今日到商台宣傳新歌《再見灰姑娘》，她表示已有一段時間沒有到電台接受訪問，今次推出新歌，特別是廣東歌，令不少香港歌迷都非常雀躍，連帶囡囡Sofia都已經識唱，她笑說：「佢有時唔係好識個字發音，就自己填啲音落去，通常都係英文為主，佢好鍾意用自己好熟嘅melody加入想講嘅嘢去唱，好似我而家去沖涼都係唱住講。」

她指Sofia懂得聽廣東話，但溝通主要以英文為主，可能較易發音，她說：「佢Daddy嚟咗香港七年都未識，佢出世得四年，畀啲時間佢，我每晚同佢講故事，佢最想聽嗰啲，我都會用廣東話講。」問到會否考慮跟囡囡合唱，她表示Sofia還細，但之前見到鄭中基跟囡囡合唱，感覺非常溫馨。至於開騷大計，她透露可能明年年底，但首先要構思好的主題，幸好現在開會、化妝及試衫都可以在家中進行，能夠盡量分配時間給家庭。

另一方面，韓星宋慧喬與宋仲基宣佈離婚一事，她說：「我覺得好可惜，佢哋都算幾童話又襯，事業又成功，不過我覺得宋仲基聲明講得好好，有好多私人事係無法透露，係兩人之間嘅事，做Fans只能覺得可惜，畀空間佢哋。」

-----------------------------
7月4日起 《蘋果動新聞》只限升級壹會員閱覽
繼續撐蘋果！