當年今日
關於我們

【繼續留大陸宣傳】IU 李準基《步步驚心》 新劇照曝光

蘋果日報 2016/08/09 12:00

蘋果李準基韓國香港步步驚心娛樂

由李準基、IU、姜河那主演嘅韓版《步步驚心》將於今個月29號首播,雖然早前傳出因為大陸嘅「禁韓令」,令到韓版《步步驚心》有機會冇得喺內地同步播。不過男主角李準基近日都成為新聞人物,日前傳出佢因為攞唔到簽證,所以被禁去大陸宣傳新片《謊言西西里》,不過李準基最終順利抵達北京,並於大陸展開宣傳。
除了電影外,李準基喺韓版《步步驚心》中嘅最新劇照亦於今日公開,只見佢手持滿佈鮮血嘅劍,而喺佢因為半邊臉受傷,所以佢就戴上面具,但佢嘅內心就好希望得到別人關心,而IU將成為一個唔害怕佢冰冷面具嘅女子。
另外,李準基近日就留喺大陸宣傳新片,前日佢就喺北京出席首映禮,今日佢就會喺南京見粉絲,認真忙過不停。