3.11補選投票日嘅港台節目《城市論壇》，突然唔見咗男神主持蘇敬恆，換咗陳月慧主持，喺動輒得咎、上綱上線嘅政治大氣候下，消失的So B自然又惹嚟議論紛紛，好在最後虛驚一場，相信都係工作安排而有調動。而喺呢個時候，女神謝安琪竟然同So B身貼身，仲話要同佢開壇，莫非又有大事發生？

是咁的。謝安琪喺Facebook貼咗張同So B疑似喺屋企露台影嘅相，留言「喺咁好嘅天氣之一，亂咁影都好靚，So B主持我哋兩個人（嘅）『大埔論壇』都好正。」嘩，乜港台有特備節目，有新壇要開？仲要搵嚟女神同男神搭檔，真係令人引頸以待。

但大家可能一場歡喜，八方打聽過，佢哋兩個查實係港大舊同學，呢次似乎都係敍舊，大家唔好諗多咗。