當年今日
關於我們

【里約奧運】男子1,500自初賽 孫楊 賀頓同組鬥餐死

蘋果日報 2016/08/08 16:33

里約奧運孫楊奧運賀頓

乜嘢叫做冤家路窄?睇吓中國嘅孫楊同澳洲嘅賀頓就知喇!]
喺男子400米自由泳決賽之前畀賀話係「作弊的人」嘅孫楊,400自輸咗畀賀頓而衛冕失敗、屈居銀牌,而孫楊作為上屆奧運1,500米自由泳金牌得主,喺呢個項目想衛冕同樣要面對賀頓,而且喺決賽之前佢哋已經要喺泳池PK!因為嚟緊巴西時間星期五嘅男子1,500米自由泳初賽雖然有六個小組,但孫楊同賀頓都係編咗喺第五組,不過孫楊喺第7線而賀頓就喺第4線,即係話未到決賽大家已經有機會再睇孫楊同賀頓較量喇。
據報道,孫楊喺奧運開幕之前已經試過喺練水嘅時候整起水花嚟騷擾賀頓,而喺賀頓寸完佢係「作弊的人」之後,孫楊畀外媒問到佢對1,500自決賽可能再對賀頓點睇嗰陣,孫楊就話「1,500米,我係王者(I am the king)」,答得非常霸氣,又睇吓喺決賽之前,孫楊係咪會喺初賽就先K.O.賀頓一次先。