韓國綜藝節目《超人回來了》人氣童星秋小愛眨吓眼又已經大一歲，噚日迎來4歲生日，而爸爸秋成勳就於Instagram公開囡囡著公主衫去迪士尼樂園慶祝嘅相。

公開嘅照片中，小愛換上黃色公主衫、揹住個紅色波點袋喺迪士尼內玩，而秋成勳就留言：「TodayismydaughterBirthday!Congratulations（今日係我囡囡嘅生日，恭喜）」另一張就係粉絲送俾小愛嘅生日蛋糕相。

另外，《超人回來了》方面今日表示秋成勳父女將臨時退出節目：「因為秋成勳將要參加格鬥大賽，因此今日嘅節目播出後，秋成勳父女將暫別劇組約兩個星期。」而紛紛就留言表示「好唔捨得小愛」、「希望兩星期快啲過」、「秋成勳加油」等。