古諮會星期四會開會傾舊政總歷史評級，最矚目當然係西座嘅命運。疑似下任政務司司長林鄭月娥一早表明西座無保留價值，一定要拆。政府嘅造勢行動已秘密展開，仲想拖埋西座嘅鄰居聖約翰座堂落水。八方聽聞，規劃署上星期突然打電話畀個教會，叫佢哋開會傾支持西座重建。聖約翰座堂內，有個忠實支持政府嘅教友，佢就係以個人身份幫聖公會重建會督府，搞疑似酒店嘅信和主席黃志祥。呢位虔誠基督徒，曾經叫過保育人士支持政府㗎。