澳洲名牌倉主麥菲文列陣周日（18日）沙田日賽，第5場4班1200米的「老實人」，今朝（17日）早上7時許，由助手策騎遣往內圈加課踱步，見練馬師在烽火台監督操練，之後便匆匆趕去沙圈接馬，當觀察一番及聽取匯報後，情不自禁面露喜悅之色，睇嚟相當滿意馬匹進度。

「老實人」此匹三歲質新馬在上仗初次上陣，由貝湯美策騎出戰田草1200米，捧成45倍大冷門，從後追上跑入一席冷Ｑ腳，輸俾頭馬「銀紙」短馬頭位，季軍馬則為「好彩波幅」，走勢嚇你一驚。

「好彩波幅」再出亦跑入亞軍，水準頗高，今次「老實人」續爭田草1200米，經一場實戰熱身開氣，原庄配搭再臨，機會不可低估。