【新增動新聞】
擾攘多時嘅基沙文轉會傳聞劃上句號！今夏被禁註冊新球員的馬德里體育會周二宣布，與前鋒基沙文續約多一年至2022年，意味基沙文今夏加盟曼聯嘅傳言可以告一段落，不過據指他的買斷費維持在一億歐元（約8.8億港元），未知這位法國國腳與馬體會共度時艱一季後，下季會否入「魔」。

基沙文早前講過有「6分」機會加盟曼聯，但呢位26歲法國前鋒自馬體會被禁買人嘅上訴被駁回後就表示效忠，早兩日亦喺ig上載一張腕帶印有馬體會隊徽嘅「大手牽小手」相片，似乎係另一效忠宣言，結果周二他正式與球會續約至2022年，合約詳情未有透露，而基沙文更表示：「假期後我會歸隊，與隊友及教練準備新球季。」

有西班牙記者指，基沙文今次獲加人工，但他的買斷費未有調整，代表曼聯下季可以再次叩門。