理工大學社會政策研究中心主任鍾劍華指出，空置稅推出將對各類單位都有影響，但相信未賣的單位，都喺大單位為主。他又指，「因為細單位易去貨，而且現時平均呎價都好，反之大單位在樓市好的時候，去貨可以好快，價錢升得好誇，所以發展商會hold住中型以上size的單位唔放。」如開徵空置稅，首當其衝的將是豪宅，因為將繳交的空置稅金額將最大。

他認為，發展商要避稅一定有方法，「但每個方法都有成本，比如用服務式住宅，或者短期合約出租，但喺自然失去靈活性，亦有一定的成本，到時睇佢自己點計數。」雖然出租單位比較易，因為「平租出去梗有人住」，但靈活性就相對較低，第一你有人住過，香港人都鐘情一手樓，其次有人正租住時，要賣出去時，可能被買家壓價。不過最後還是睇發展商計數，而去揀賣定租。

市場不少聲音指，發展商會將空置稅產生的成本轉嫁予買家，他卻認為「能唔能夠將被罰的稅項轉嫁比買家，好睇市況，點估個市、個市點走先喺重要。」

對於空置稅對樓價的影響，他指，樓價唔喺純粹睇多幾千個單位，睇返過去個兩年，單位都多咗，但樓價都無跌到仲升咗，所以淨喺靠空置稅多返果幾千伙單位，就算賣晒出去都好，都唔會影響到樓價，因為都有好多個因素。

當然多幾千個單位，而發展商又同一時間賣，突然間多咗供應，對定價會有壓力，但喺整體黎講，香港過去幾年的經驗話比大家聽，增加供應唔一定降價，同埋單位「掟出街」，賣的對象又唔喺淨喺香港人，事實上對樓價都唔會有好大壓力。

全球樓行 Dream House零距離
https://hk.feature.appledaily.com/overseasproperty