日本女子組合櫸坂46前晚於千葉幕張舉行握手會時，有男狂迷攜生果刀到場並於場內燃點信號彈，幸好被即時制服，有指兇徒打算在握手會上刺殺櫸坂46主將平手友梨奈。

現年24歲嘅無業男子阿部凌平當時排在成員柿崎芽實與平手友梨奈人龍，前晚7時40分佢於行李放置區突然燃點信號彈，事發時場面緊張。警方在其身上搜出一把長12.6厘米生果刀，疑犯供稱想刺殺櫸坂46其中一名成員，警方其後以涉嫌藏有攻擊性武器罪名把佢拘捕。

疑犯阿部凌平今晨被警方送檢，據報道指佢供稱能夠避過現場金屬探測器將危險品帶入會場，全因佢先假裝將自己嘅手提袋當成失物交俾工作人員，待佢通過安檢後，再去到失物認領處聲稱認領失物，成為避過檢查。

而櫸坂46噚晚喺同一地點再舉行握手會，部份成員缺席，但保安明顯加強。