日本人氣組合AKB48昨日同今日一連兩日喺千葉幕張舉行AKB夏日祭，同fans由朝玩到晚，當中舉行咗握手會、猜拳大賽初賽等，仲有攤位遊戲，畀成員同fans一齊玩。不過，fans最鍾意嘅相信係今日舉行嘅水着大賽，一眾比較後期入隊嘅後輩成員，着住性感水着出嚟鬥靚，個司儀仲手多多走去驗胸，搞到在場啲宅男fans勁興奮。

而小嶋陽菜、渡邊麻友等前日就個人演唱，陽菜仲趁好多師妹喺現場，將自己着過嘅大批衫送畀師妹，佢喺後台擺檔任師妹揀，啲師妹揀得不知幾咁開心。