新劇《任意依戀》7月先播嘅韓國女星秀智，呢期被雪炫同周子瑜兩位後輩發力狙擊，都咪話唔驚，好彩依然有唔少廣告商撐佢。

今日下午，秀智現身首爾永登浦出席代言嘅太陽眼鏡品牌粉絲簽名會，雖然佢露出性感香肩，不過一拍埋個秀智人形紙板度，真．秀智即刻輸晒，冇計啦，個紙板秀智露背又晒腿喎！真．秀智唯有出招，擺番紙板秀智個甫士搶鏡，不過佢自己都覺得好尷尬，擺擺吓甫士都忍唔住笑囉。