9歲「小巨肺」譚芷昀(Celine)今日於真人騷《全美一叮》（America's Got Talent，AGT）再亮相參加準決賽，強敵「小雲妮」Angelica Hale終於同組，鬥過你死我活。另外，幾位呼聲甚高嘅嘅童星包括都係唱歌嘅Christian Guardino、跳舞嘅Merrick Hanna一樣都係今日爭出線。而11個參賽者之中，只有5個可以晉身決賽。

今日佢就唱出迪士尼動畫《魔海奇緣》（Moana）嘅主題曲《How Far I'll Go》。雖然評判Simon、Heidi、Howie都讚佢嘅表現，但Mel B就話佢揀錯歌！

Simon話佢Celine嘅表現好到難以置信，大家都好喜歡佢，更話佢有好大進步，呢首歌好啱佢唱，而佢相信自己個仔都會鍾意佢嘅表現。Heidi就指佢音準聲靚，仲好可愛。Howie話佢做得好好，希望佢可以晉級咁話。但Mel B就唔同意其他人嘅講法：「你幾歲話？9歲。無錯你把聲係好正，首歌係音樂劇，起伏唔夠，冇好好將你把聲表現到出嚟，好似好緊咁，我知道你可以唱高音，又唱到低音，可以將你帶到好遠，但你今晚冇做到。」Celine只好笑笑口面對批評。最後主持Tyra問佢最大夢想係乜，佢話自己想贏出《全美一叮》，仲想見偶像Celine Dion。

另外，Celine亦喺facebook留言拉票，"VOTE for me please!!!!I love my costume tonight prepared by America's Got Talent on red carpet!"有唔少外國網民都話會投Celine。