由《茶煲阿四》女星韓藝瑟同《又，吳海英》男星金基石主演嘅新劇《20世紀少年少女》，早前曾來香港拍攝外景，劇集將於下周一首播，不過之前因為MBC電視台工會進行總罷工，令到劇集拍攝工作一度受影響而停拍，不過上周劇組已再次投入拍攝工作。

由於劇集下周開播，但現時劇集只拍咗四集，所以令噚日36歲嘅韓藝瑟都冇得休息，要喺工作中度過，佢噚日同今日都先後上載兩段視頻，當中佢都獲送贈生日蛋糕，韓藝瑟感謝大家為佢慶祝生日，同時佢亦都表現得好興奮，許願吹蠟燭之餘，又企喺凳上勁歌熱舞一番。

相關片段連結： http://bit.ly/2xLZ4J7