近期好多中小型股都由谷底回升，好似經紀黃上周推介的福田實業（420），剛公布的業績雖然盈利倒退，但最壞時刻已過，上周五股價急升7.91％，收3.75元。經紀黃亦提過，林麥（915）同樣有機會轉勢。
林麥上周公布截至10月底止中期業績，盈利有1049.2萬美元，比起去年同期上升42.1%，但其實有一大截盈利，係來自收購供應鏈管理服務公司DowryPeacock所產生的2650萬元一次性收入，如果唔計特殊盈利，其實下跌4%至真，消息令林麥股價急升完之後跌番。
經紀黃話，林麥收購DowryPeacock的盈利貢獻，將於下半年業績反映。DowryPeacock主要在英國採購消費電子產品，將林麥依靠北美洲市場的情況改變。
今年以來，唔少芬佬減持林麥，股價由3元水平一路跌落嚟，但有個星洲基金一直不離不棄，重默默地增持，至今已持有9%咁多，反映佢哋對林麥好有信心。
林麥上周五跌1.16%，收2.125元，成交金額123萬元。
慕容小初