0靚模CeliaK.(郭穎兒）同MeiMei（曾善美），噚晚喺鑽石山搞咗個2014年月曆發布會，佢兩個認真賣大包，除咗狂晒事業線之外，仲預備咗啲湯水同cupcake益fans。

講到今次月曆，Celia話：「今次冇寫真咁性感，只有係啲濕水，所以今日咪專登性感啲，交功課嘛！」佢仲自爆：「有一個同我哋影相做model嘅法國仔，佢約我一齊過聖誕，可惜我要做嘢，如果唔係會同佢過，我都想試吓唔同國籍。」

雖然佢講到自己好似閱仔無數，不過追問佢試過同乜嘢國籍嘅人拍拖，佢話：「冇呀，只係試過本地，內地都未試過，我自己覺得法國人都OK，啲男仔好浪漫。」笑問佢平安夜要開工，睇嚟冇失身機會，佢話：「我今年平安夜可以保住先！」