韓國「馬舞女」泫雅出身於5人女團4MINUTE，不過組合於去年成軍7年之際解散，其他4位成員唔續約離開舊東家CUBE事務所，當時有指泫雅因為獲CUBE力捧令其他4位成員不滿而傳出成員不和、杯葛泫雅等傳聞，不過隨後泫雅、祉潤受訪時曾否認不和說。

早於去年12月時，4MINUTE舊隊友昭賢、祉潤及嘉允飯聚時泫雅已經冇影，而噚日祉潤再喺Instagram上載與昭賢、嘉允及南智賢飯聚嘅相，並留言：「哇，真好，呢幾個真係好。」相中4人都笑得好開心，唯獨泫雅冇影，令不和說塵囂而上。雖然有粉絲留言指見返4MINUTE幾位成員重聚好開心、好感動，不過都有粉絲留言問「泫雅喺邊？」、「係咪真係不和？」等，但就有粉絲力撐偶像冇不和，泫雅可能只係忙緊新組合「Triple H」先冇現身。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。