韓國「國民初戀」秀智一向深受廣告商歡迎，獲邀擔任多個品牌嘅代言人，有「100億韓圜少女」之稱。之前拍完新劇《當你沉睡時》嘅秀智，就頻頻為品牌影新相，當中其代言嘅珠寶品牌就公開咗秀智嘅新相。

相中秀智身穿紅色吊帶低胸連身裙，露出香肩及性感鎖骨，更微露事業線，相當養眼。雖然秀智現年只得22歲，但已經勁有女人味，引死粉絲！另外，忙到冇得休息嘅秀智噚日透過Instagram更新近況，只見佢對於鏡賣萌自拍，鏡前有多種化妝品，似乎準備緊新嘅拍攝工作。