今年9歲嘅譚芷昀(Celine)，兩年前佢參加大陸的嘅歌唱真人騷節目在《中國新聲代第二季》，佢唱咗一首《You Raised Me Up》震攝人心，喺YouTube瀏覽次數逾4千萬，佢嘅巨肺高音同爆炸力被網民封為「新小巨肺」同「小鄧紫棋」。

其實Celine3歲時，佢從事唱歌老師嘅爸爸譚順生，就發現到Celine嘅嗓音好特別，仲識震音添，譚爸爸就發覺囡囡對唱歌好有天份，所以就想教佢唱歌，而譚爸爸為咗令到Celina能夠更好咁掌握音樂嘅技巧，仲諗咗一個好特別嘅方法去教囡囡，就係兩父女一齊去地鐵站練習。當時譚爸爸話，佢覺得地鐵站人來人往，你要令到每一個人都被你嘅歌聲感動，就要準備好多東西，準備嘅過程，就俾Celine學好好多嘢！

年紀輕輕嘅Celine可謂身經百戰，佢參加《中國新聲代第二季》前，多次參加香港兒童歌唱比賽獲得冠軍。14年茜拉喺上海演唱會，茜拉仲請咗Celina做嘉賓唱《冰雪奇緣》主題曲《let it go》，前年曾被特首梁振英欽點，喺國慶酒會演唱《You Raise Me Up》、《真的愛你》和《我的祖國》3首歌。

前年更曾出戰《全英一叮》（Britain's Got Talent）。今年再下一城，到美國參加才藝節目《全美一叮》（America's Got Talent），節目嘅preview於網上引起唔少話題，喺facebook及YouTube公開後已錄得超過1,334萬瀏覽，十分犀利。( 新聞連結： http://bit.ly/2sljbIx )