台灣女星徐熙媛（大S）噚晚被爆癲癇發作，緊急入院接受治理（新聞連結： https://bit.ly/2IYLiF2 ），事後有傳佢懷孕，仲因為孕吐嚴重，所以引致癲癇發作。後來大S回覆台灣《蘋果》時稱：「我現在真的狀況不好」（新聞連結： https://bit.ly/2uqvYOu ），其情況令人擔心。

不過，據台灣《壹週刊》報道，原來大S已經秘密出院，而大S的經理人廖瑋琪回覆該刊求證查詢時稱：「大S身體不舒服的時候我在她身邊，送她去醫院的時候並沒有癲癇，只是純粹的暈眩不適；在她身體狀況不佳的情況下我並沒有問她是否懷孕，大S也沒有告訴我，所以這應該是不實的消息。等到大S身體恢復健康之後，會再跟大家做個一個詳細的說明。現在先不急著知道這些，懇請大家讓大S好好的休養，不要每天看到都是這些讀者爆料的新聞，這樣身體怎麼好的起來？就再麻煩各位大哥大姐了。」

大S嘅安危當然最為重要，但其實佢嘅入院原因眾說紛紜，經理人話「沒有癲癇」，但大S媽咪就話「熙媛是因感冒引起癲癇復發」，至於妹妹徐熙娣（小S）就爆家姐要住加護病房，大S老公汪小菲就喺微博報平安話「熙媛昨晚已經沒有甚麼危險了」，睇嚟大S一家「未夾好口供」，到底有冇癲癇？有的話，發作原因係咩呢？睇嚟真係要等大S親自解釋。

至於有傳大S陀第三胎，有指因為BB未滿3個月，所以「怕小器」唔講得住，而且BB嘅狀態亦係關鍵。

精選娛聞，喺晒《娛果》
http://fb.com/appledailyent