英國萬人迷碧咸（DavidBeckham）日前接受《Yahoo!Style》訪問，談及4歲愛女哈七（HarperSeven）嘅時裝打扮都係交俾老婆Victoria負責，不過有一樣嘢他自己要插手，就係哈七嘅頭髮！

佢話：「大約一年前，我老婆同我講或者係時候剪哈七嘅頭髮，我即刻話唔可以剪！哈七自出世以來我哋都冇剪過佢嘅頭髮，所以已經長到去佢膝頭喇。」
碧咸話囡囡長長頭髮最好睇。

雖然碧咸喺哈七髮型方面要話事，但係佢自己嘅着衫style就俾老婆話事，話信老婆多過信自己。有時自已襯完衫之後會俾老婆叫佢換過件。