剛戰（18日）賽前，賽馬新聞app提到由於跑道狹窄，谷草C加3欄一向有利內叠前置，但結果是直路如移入內叠追，近乎死路一條。

「銀紙」及「健康在望」兩匹苗禮德馬房熱門爆都爆唔起，而全晚最不信內欄魔咒的，應該是蘇兆輝，除「銀紙」外，還有「騰龍駒」、「一路順風」、「傳奇」以及「馬友冠」幾匹有飛馬。

直路都係揀貼欄一邊，最後只得「馬友冠」保住第三，究竟是神蘇賽前功課做得太足，認定谷草C加3欄會有慣常利內叠場地偏差，定或本身有不擅臨場執生EQ？

剛戰不單入直路走內叠奇差外，而且跑至中間場次，沿途走外叠更變了私家路，第四場啡格得手Q「加州多寶」及「紅運大師」全程外遊。

而贏「加州多寶」的田泰安，其後一場跑「好好學習」排12檔照被捧成大熱門，全程亦無諗過向內移，而同場排外檔閘前落飛的「劍追風」，亦以外遊戰術奪季，點解別人可以對跑道突發情況如此「睇通睇透」，相信你我都想「好好學習」！

回說田泰安剛戰為告東尼起孖，周末（21日）騎練再有多匹實力馬夾檔，有力再添勝仗。

第五場四班1200米，「勁跑王」初出配沈拿跑今戰田草1200米僅以短距離飲恨，復課後進度理想，可望在田泰安胯下補中。

廐侶第四場四班1400米「熱血鬥士」，多次抽外檔輸形勢被動，今次排5檔出閘好跑得多，季內四戰1400米獲冠亞季各一，亦為東、田配周末爭勝籌碼。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇