鍾培生投資新戲考慮客串 備戰拳賽戒酒禁慾
蘋果日報 2021/03/18 15:49
鍾培生鄧月萍郭奕芯
鍾培生首齣投資的電影《#PTGF出租女友》，今日在中環蘭桂坊開鏡，主演包括鄧月平、張沛樂（沙律）、郭奕芯、趙善恆及張建聲等。
身為老闆之一的鍾培生笑指，自己不會投資不懂的東西，指自己是看香港電影長大，所以今次是支持香港電影，而他只是小股東，至於會否客串演出，他說：「如果好似《喜劇之王》講3句對白都可以，因為演員都受過專業訓練，自己鍾意睇戲多過演戲。」
講到與林作的拳賽備戰，鍾培生透露：「而家1星期練6日，7點半起身，8點拉筋，9點返工，戒咗飲汽水，喺7月之前只會飲4次酒，而家用咗兩個quota，噚日爸爸生日都冇得飲靚酒，唔會特別節食。」被問到會否禁慾，他認真思考一會說：「禁慾真係好難，打之前兩個星期都會禁慾，不過呢樣嘢真係難少少。」
在場以性感低胸裝出現的郭奕芯透露，她客串的角色叫「波波」，今天所穿的是戲服，她透露自己在戲中沒激情戲，但要打桌球，她說：「我唔識篤波，要跟劇組學習。」對於現實有否被邀當出租女友，郭奕芯說：「試過有網友問價，開價百萬，咁誇張一定係呃人騙子，我從來都唔回覆。」
鍾培生有份投資的電影《#PTGF出租女友》，今日在中環蘭桂坊開鏡。
鄧月平、張沛樂（沙律）和郭奕芯今日為新戲做宣傳。
鍾培生積極備戰9月拳賽，透露一個禮拜操足6日。
郭奕芯以低胸裝現身搶鏡。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！