日本各大電視台為刺激收視，今季多套日劇都加入唔至少兩至三場嘅床戲吸引觀眾，不過睇得多自然唔矜貴，呢季日劇嘅情慾玄戲可算係近年最多，以前田敦子主演嘅TBS深夜劇《毒島百合子的日記》同埋栗山千明孭飛嘅朝日鹹劇《不愉快的果實》尺度最大。

其實《不愉快的果實》曾於97年首次拍成連續劇，當年女主角石田百合子都已經46歲，佢喺今季日劇大戰上都效力NHK電視台，為主演新劇《Contrail~罪與戀~》同新版《不愉快的果實》同於周五晚對疊。石田百合子喺劇中飾演單親媽媽，佢跟電影《乒乓》男星井浦新（ARATA）又係唔少得床上戲，不過話晒NHK係國民電視台，主角嘅親熱場面都係點到即止。

除此之外，伊藤英明同相武紗季為富士新劇《我的危險妻子》嘅交歡場面都頗激，相比起樂壇天王福山雅治婚後接拍嘅富士重頭劇《LoveSong》，先後喺第一集同埋第四集都難得有床上戲，分別與GCup女星小泉麻耶以及青春索模石川戀喺床上演出，不過福山雅治好似驚死俾老婆扭耳仔咁，連續兩場戲都竟然着衫上陣，比起同季其他劇嘅主角，福山雅治都算孤寒！