【剝衫跳鋼管舞】讚嘆Shine紅館騷肌 半百許志安:我聽佢哋嘅歌大㗎
楊千嬅爛泥演唱會紅館天佑許志安鋼管舞又南
流感肆虐,上月中許志安患乙型流感,持續高燒,留院觀察,原先答應為黎小田作品展擔任嘉賓,現在都要被迫辭演(新聞連結: http://bit.ly/2C3uug1 )在Sammi悉心照顧下,安仔已經痊癒,噚晚仲現身紅館,為Shine個唱擔任表演嘉賓。
精神奕奕嘅安仔,與Shine合唱《我的天我的歌》,天佑對安仔話:「呢五、六年喺街見到朋友,佢哋都會話『細細個就聽你唱歌0架喇!』,今次我終於可以對住你講,我細細個就聽你唱歌!」安仔就話:「見你哋重現紅館,歌迷為你哋揮動螢光捧,睇到好感動!見你哋除衫跳舞都睇到好感動㗎!睇到你哋付出好多!」
之後安仔獨唱《爛泥》,唱之前打趣謂:「我都係聽佢哋嘅歌長大,多謝佢哋俾咗好多成長片段我哋,我揀咗首01年嘅作品,都係Shine出道嘅日子。」
首場另一表演嘉賓係楊千嬅,仲同Shine合唱《野孩子》,千嬅話今次做嘉賓係一種緣份:「好開心,呢個中國情人節,可以同觀眾、Shine一齊度過。識佢哋兩個係喺唔同嘅電影上合作,大家都係音樂出身,能夠喺舞台上演出都係一種緣。」
安仔之前笑兩子「除衫跳舞都睇到好感動」,千嬅都抽下水,讚Shine嘅鋼管舞演出:「開演唱會唔容易,今日大開眼界,好似男舞蹈員咁跳鋼管舞,會唔會唔方便呢?欣賞佢哋好堅持,呢啲表演非一時三刻做得到。Shine好多歌曲都陪住大家成長,有好多回憶。唱咩都好,都係一種回億,唔會白費,希望大家嚟緊發展更加遠大。」
精選娛聞,喺晒《娛果》
http://fb.com/appledailyent