香港依家失業率低，唔係人人都咁易搵到工，好似更新人士要重投社會工作，可能遇到唔少阻滯。廠商會去年同懲教署、商界助更生委員會合作搞「視像招聘會—聘出未來」，反應唔錯，今年續辦，下月4日舉行視像招聘會，為未來3個月內獲釋及已獲釋但仍受懲教署監管人士提供逾900個職位空缺，現已有逾400個更生人士申請參與視像面試。

本身係商界助更生委員會會長兼永明集團董事總經理郭棟強，佢公司上年請咗約20個更生人士，依家仲做緊嘅都有一半。佢話建築界其實長期人手短缺，所以今年參與招聘人手係「多多無拘」，而一般雜工日薪都有600至800元㗎！

參與招聘嘅僱主都唔會問更生人士因乜事入獄，更加要保密，公司同事唔會知佢哋嘅背景。廠商會會長李秀恒透露，該會亦會捐48萬畀在囚人士教育信託基金。