好心鐵騎士公路伸援手救自炒司機。網上流傳一段由鐵騎士的頭盔Cam拍下的錄影，從片段所見，一名鐵騎士於屯門公路行駛期間，看見對面線有一部電單車橫亙路中，司機不見蹤影，他立即停車，發現未有其他途經車輛停下協助。該名好心鐵騎士於是跨過路中石壆過對面線尋找傷者，他逆線步行約數十米橫跨3條行車線，終在路肩看見涉事的電單車司機，他手腳受傷流血，並指手機留在車上未能報案，好心司機聞言立即報案。

短片在網上瘋傳，網民一致like爆其好人好事的行為，又大讚片主是「熱血騎士」、「真正馬路之友...伸出援手！師兄...比1000個like你」、「咁先係我哋嘅香港」，有人留言提醒救人時一定要注意安全，亦有網民留言指「同方向咁多車都無人停？香港人發生乜事？」

警方表示，今早7時24分，屯門公路屯門方向近青龍頭發生一宗交通意外，一名49歲姓陳電單車司機報稱駕駛途中有雜物飛向其頭盔，他見狀閃避，繼而失控自炒，陳輕傷事後由救護車送往屯門醫院治理。

你敢爆，我敢獎！ 即Call《蘋果》24小時爆相爆片熱線 ：63836568