反送中風波仍未平息，訪港內地旅行團大跌九成。雖然如此，香港市民似乎更喜歡現況，直指「咁咪好囉」，表示會因此而選擇多去香港主題樂園遊玩；亦有家長更指滿意現時樂園人流量，「少咗啲人舒服啲」。

根據入境處出入境旅客數字，本月21至26日的聖誕長假期間，入境人次臨時數字約229萬人次，按年跌25.5%，當中內地旅客總入境人次約44.9萬，按年大跌近56%。市民梁小姐聞言直指「咁咪好囉」，她指外國旅客比大陸旅客文明，「衞生、秩序、態度，外國客唔會咁㗎嘛。」坦言因此多了去海洋公園和迪士尼玩。

迪士尼常客張太指，因為不是在旅遊業界工作，對內地團劇減沒有太大感受，「樂園都多人㗎喎，當然唔係好似（旅客）最高峰期咁，但都唔係好靜，都要排隊嘅。」她指頗滿意現時樂園人流量，「依家都幾舒服，其實都幾多本地人入去玩，又唔係靜幽幽。」

另一名家長陳太指現時一般周末樂園人流不算多，「少咗啲人舒服啲，排隊唔使排咁耐」，指帶住小朋友無論玩遊戲、上廁所排長龍也不方便。被問到政府應否補貼旅遊業幫忙令內地團客回升，她坦言：「最好唔好啦，（陳先生：梗係越少越好啦！）對經濟梗係唔同睇法，但家長嚟講梗係少啲人好。」

澳門旅客Jay則指，相信香港衝突頻繁令旅客卻步，曾多次訪港的他坦言較喜歡以前氛圍熱鬧的時候，「但排隊嘅話最好少啲人啦……係咪好矛盾？」

-----------------------------

民陣元旦大遊行

日期：2020年1月1日
時間：下午2時集合
路線：維園中央草坪至遮打道行人專區
主題：毋忘承諾 並肩同行
*不反對通知書申請中
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此