今日踏入63歲嘅洪金寶，自從多咗粒乖孫洪大仁(TJ)，真係有孫萬事足，大仔天明不時喺微博貼出爺爺洪金寶同小TJ嘴對嘴嘅相，當然爺爺每年生日，都要粒乖孫同佢開開心心慶祝下啦!

今年天明喺微博po咗爺爺同TJ一齊飲早茶賀生日嘅合照，爺爺完全被小TJ「溶化」，o氹到爺爺洪金寶流露出甜到漏嘅笑容，大仔天明就留言：「Happybirthdayfather.爸，生日快樂!」夠晒孝心!遲啲等新抱周家蔚陀緊嘅第二個男孫出埋嚟，一家人慶祝就更加熱鬧喇!