朱茵同周星馳喺92年暗撻3年，最後因為男方偷食而分手，兩人再見不是朋友，朱茵曾話唔想再講周星馳，嗰陣為咗呢段感情，令到佢嘅自信心徹底崩潰，直到黃貫中嘅出現，終於搵到佢嘅最愛。不過喺舊年接受台灣傳媒訪問，佢話唔抗拒同星爺合作，似乎已經釋懷咗呢件事！(新聞連結： http://bit.ly/2mZ07yG )

可能因為已經開咗綠燈，往後朱茵出席宣傳活動，話題似乎離唔開周星馳呢3個字，日前佢喺大陸宣傳電影《二次初戀》，朱茵又被問到呢段「逝去感情」，佢話：「我不介意了，因為你怎麼介意，別人都還是會說，我覺得也無所謂，大家把電影愛到那個地步，我也很感恩。」佢仲將對方形容一個「很聰明的一個對手和前輩」。

講到星爺o依家仲係單身一個，朱茵就話：「每一個人都有他自己的一個選擇，每個人都有他尋找開心的方式，他覺得開心就ok了，他喜歡什麼樣的狀態他自己最清楚了，這個問題可以直接去問他。」朱茵仲話大家已經冇聯絡好多年，而佢又好少睇新聞，因為屋企需要佢嘅時間太多！

講完周星馳，朱茵當然有講老公黃貫中，朱茵話一段婚姻最重要嘅事係唔可以將所有嘢變成理所當然，應該要感恩，要珍惜對方，再問夫婦之間嘅感動事，佢話：「我最感動的就是，我需要他的時候他永遠都在我身邊。這不是我要求的，但他知道我需要陪伴，所以他是很貼心的一個人。」