iPhone5c銷量雖然不及5s，評語又話太「膠」，又話賣得貴，銷情唔理想；不過依然有好多有心人對佢嘅彩色底殼情有獨鐘，諗出唔同玩意。今次就有《寵物小精靈》的外國粉絲，諗到利用幾部唔同色嘅5c，配上同顏色的桌布同貼紙，令電話立即變身奇異種子、比卡超等等，可愛到爆。網站已經有齊兩種圖檔，桌布就唔使教大家點換，而貼紙用Printer印落透明貼紙上就得，但最大的問題係如果我鐘意藍色，但係又鐘意比卡超喎，咁點算呢？