當年今日
關於我們

千嬅:個仔成日踢我

蘋果日報 2012/04/02 00:00


楊千嬅現懷胎6個月,預產期為6月中,原本她是想順產,但因為她懷的胎兒好重和好大,為安全起見,醫生建議她剖腹產子,預計剖腹日期在6月16至18日之間,問千嬅是否找高人擇好吉日和吉時?她昨日在電話中說:「冇特別搵人擇日,只不過醫生話呢幾日最有機會作動,所以到差唔多嘅日子,我要隨時準備生啦,其實家心情好緊張同期待。」
由於胎兒越來越大,現時千嬅行幾步路都覺得很辛苦,她說:「如無必要,我都盡量唔出街,因為個胎好重,個仔又頑皮,成日踢我,所以都係乖乖哋喺屋企同樓下公園散吓步就算啦!不過今晚我會出席《春嬌與志明》慶功宴,因為部戲有好多宣傳我都做唔到,我都真係唔好意思。」
empty
千嬅與丁子高的兒子將於6月出生,兩人均很期待。
empty
《春嬌》票房狂收,千嬅昨晚挺巨肚出席慶功宴。 微博圖片
胎兒重兩磅多
《春》片大收旺場,昨日千嬅接受商台節目電話訪問,對於彭浩翔有意待她產後,找其囝囝開拍第三集一事,千嬅即說:「彭浩翔係講過吓,丁生當佢講笑,小朋友要以讀書為主,唔好冇咗童年。」千嬅透露胎兒重兩磅多,她說:「大肚至今重咗20幾磅,之前去做檢查,醫生話BB重兩磅幾,不過都係估計。」問千嬅生B後會否學陳慧琳般公佈喜訊?她說:「好難估計到,隨遇而安,都唔知生完個樣會點,我好貪靚,如果生完好烏歪就唔好啦。」
採訪:譚倩宜