梁詠琪前晚在紅館演出尾場個唱，李克勤和劉德華應邀表演。克勤對梁詠琪表演的肚皮舞甚感興趣，但當梁詠琪表示要教他時，反遭克勤調戲。

梁詠琪（GiGi）在紅館舉行一連三場的演唱會，前晚圓滿結束，其好友莫文蔚、何韻詩、男子組合Shine、女子組合Cookies、李克勤和劉德華等均有捧場，華仔和克勤更被邀上台任表演嘉賓。

「下身不能亂郁」
克勤大讚GiGi跳肚皮舞精采，GiGi便叫克勤學跳肚皮舞，她說：「上身唔郁，下身郁就得。」克勤聽罷即說：「男人下身唔可以亂郁，你返去問伊健。」
GiGi前晚邀請現場觀眾到台上坐摩天輪，華仔和莫文蔚不停揮手示意GiGi選他們，最後二人等不及就衝上台。當華仔和莫文蔚坐上摩天輪後，二人都顯得很興奮，身體不停搖擺，嚇得GiGi叫他們小心，華仔說：「呢次係我第一次玩摩天輪，我覺得好好玩。」
演唱會後GiGi在佐敦大華酒店舉行慶功宴，對於伊健曾表示不想退隱江湖，GiGi說：「我都係跟稿讀。」GiGi將休息一周，搬屋後便為新戲開工，她說：「雜誌話我依照伊健間屋裝修，根本唔係。」
然而張堅庭昨日任商台節目嘉賓主持時，提到GiGi的演唱會，張堅庭說：「佢嘅歌藝未至於引我買飛睇，十五同十六歲就話係玉女啫，但過咗呢個年齡就係『天山童姥』。」另一方面，克勤昨日在港台做訪問時則力撐GiGi說：「咁呢幾場買飛睇嘅人又點，每個人觀點與角度唔同。」

華仔做假「啫啫」
此外，華仔昨日在新城接受電台訪問，談到即將開拍的新片《健美先生》，他說：「我試過件衫好真，我重會着T-back，而且假『啫啫』都做埋。」
採訪：胡比、駱華齡
攝影：陳慧安