【本報訊】手提電話愈來愈普及，連情侶分手、好友「割席」都會透過手機短訊「搞掂」，本港近一成男女曾身受其「害」。專家指，用短訊講分手是因為「唔知點收科，怕對方發爛渣」，但逃避解決不了問題，應該「三口六面」講清楚，再見仍是朋友。
「你有否收過你的朋友傳送的SMS手機短訊，用來結束你與他/她的友誼或感情呢？」香港思緯市場資訊公司的調查發現，本港有8％男士及9％女士曾收過類似短訊，但比例在受訪地區中最低，馬來西亞收到分手短訊的比例則最高，分別為男38%及女21%。

過來人後悔無當面講

本港心理學會註冊臨床心理學家羅志華博士昨日分析稱，情侶關係破裂後，提出分手者往往「唔知點收科」，擔心對方不接受、「發爛渣」，為了逃避可能出現的衝突而不肯當面講清楚，改而用手機短訊或電郵提出分手。
羅志華說：「我哋嗰代都係咁㗎，廿幾年前分手後直情唔見佢（女友），唔覆佢call，我自己聽電話都話自己唔喺屋企。後來喺美國嘅一個女朋友去咗第二個城市後音信全無，我覺得好失落同沮喪，日日重複唱TheEndoftheWorld（世界末日），好痛苦。此後，即使分手，我都會當面講清楚。」他建議分手時應該有一個雙方都熟悉又信任的親友在場相助，正規地完結一段感情，「就算分手也不要一刀兩段，朋友好緊要㗎，唔做情侶可以做朋友嘛。」