65歲的林大慶，好長情。結婚30載的太太，是中學初戀情人；一份工，做足40年，還未言休。「何止，我戴緊嘅呢隻錶，其實都戴咗好多年。」這個港大公共衞生學院社會醫學講座教授，是外界眼中的「反吸煙鬥士」，工作以外，卻是愛妻號。今年5至6月，這個控煙專家，就搖身成為「家庭節」倡議人。
「家庭節其中一個活動，係派員到18區為市民影全家福，希望讓大家記住一家人嘅快樂時光。」社會矛盾、政治立場迥異，令家庭撕裂，父與子面左左，母與女不瞅不睬，他直言很不值得，畢竟在他眼中，「政治取向有機會變」，家人卻是改變不了的關係。

大病後領悟　勿愛得太遲

「修補關係，係要大家釋出愛意，唔好收收埋埋。」近年積極推動家庭健康和諧，他不諱言與2004年一場大病有關。「不嬲身體好，有晚半夜突然發燒發冷，去急症室，第二日一早仲返工，點知半夜又係咁。」留醫期間病情急轉直下，血壓插水，幾近休克，證實患急性腎炎，在ICU住了3天。
走過鬼門關，令他更珍惜與妻子的相處。中學讀皇仁，因聯校話劇節而認識，和尚寺鬥師姑庵，一場愛情長跑，跑足半世紀。若問相處之道，他笑說應該是無招勝有招。行行超市，與90歲的外父外母飲吓茶，兩口子沒子女，結婚逾30年仍相敬如賓。身兼賽馬會「愛+人」計劃項目首席調查研究員的他，今年積極推動「家庭節」，提醒香港人切忌「說得太遲」。活動詳請可瀏覽網址 http://www.family.org.hk 或fb專頁。
■記者呂麗嬋