【估你唔到】彭浩翔搵Artist重新設計電影海報你估到幾多部?
蘋果澳洲加拿大內地香港意大利秘魯波蘭彭浩翔志明與春嬌AV春嬌與志明即時伊莎貝拉藝術展出埃及記電影海報唔係葉念琛重新設計志明與春嬌3Reborn買兇拍人大丈夫公主復仇記
彭浩翔最近手頭上正籌備緊一部去台灣拍攝嘅愛情片同《志明與春嬌3》兩部戲,不過百忙中佢又諗到新玩意,要搞一個藝術展《Reborn》,呢個藝術展主要係請咗加拿大、波蘭、意大利、澳洲、秘魯、內地及香港等各地年輕藝術家幫佢嘅電影舊作重新再設計過海報,然後喺藝術展重新展出。
展覽喺呢個月31日至下個月10日結束,展覽地點喺上環嘅TheCatStreetGallery。喺揭幕當日,阿彭仲有個小型派對招呼下啲藝術家同老友嚟聚聚。
今次阿彭喺呢個藝術展擔任策展人,佢話:「今次請咗世界各地唔同藝術家幫我嘅電影《買兇拍人》、《大丈夫》、《公主復仇記》、《AV》、《伊莎貝拉》《出埃及記》、《志明與春嬌》同《春嬌與志明》等10幾部戲重新再設計海報,每款海報只會印15張,主要送番俾啲演員同相關人士,而當中有兩款可能會限量發售俾我嘅粉絲收藏。」
點解會有重新設計電影海報呢個idea呢?阿彭話:「之前我想出劇本集,咁出劇本集要影封面,咁每次同電影公司要海海報,佢地就話要先問番演員嘅經理人,咁我覺得好麻煩,倒不如重新設計過,咁我就不如向全球藝術家發出邀請,只要佢哋有興趣重新創作,我就由佢哋自由發揮,不會做任何修改,足足一年先全部收集晒返嚟,除咗做藝術展,呢啲海報已用嚟出咗劇本集,不過只喺網上限量賣500本。」