當年今日
關於我們

【紀錄更新中】重臨小巨蛋 56歲張學友晒一字馬功架

蘋果日報 2018/04/21 17:14

歌神台北小巨蛋破紀錄一字馬張學友

「歌神」張學友世界巡迴演唱會「學友‧經典」,噚晚係佢相隔14個月重臨台北小巨蛋演出,雖然今次學友限定只舉行6場,預計吸金2.5億新台幣(約6,654萬港元),但係由於學友早前喺紹興站已打破佢自己「1/2世紀巡迴演唱會」保持嘅146場巡演紀錄,之後每做一場都會更新紀錄一次,噚晚係今次巡演嘅第152場。
學友以廣東歌《我與你》為演唱會拉開序幕,並率領24位dancers載歌載舞,其後接住唱《非常夏日》等一連串歌曲炒熱氣氛。之後佢同fans傾偈時講到:「你們除了看我演唱會,還會看別人的演唱會,我們要客觀一點,多看一點別人的演唱會,光靠我是不行的。台灣朋友大家好嗎?上次來的時候是一年多前,時間過得太快,感覺兩個月前,他們說已經一年多了,我也好想大家,你們可能覺得張學友到哪裏都這樣講,其實沒有的,台灣做演唱會比較自在一點。」
學友更問有冇人係第一次睇佢嘅演唱會,佢話:「第一次看沒關係,當時你們沒有經濟能力看演唱會,雖然說我是第9次開巡演演唱會,但你們是最幸運的,這是我覺得做最好的,有一年前看我演唱會的,你們來很重要,因為看一年後張學友有沒有進步。」歌迷當然俾反應話有,學友笑言:「這麼快就說有啊,看下去吧,親愛的。」
之後學友同fans玩現場隨聲光變化嘅互動式螢光棒遊戲,雖然只係左右搖,但學友笑指一年前啲觀眾對於左右觀念唔係幾一樣,而噚晚嗰班啲係過去152場中最好嘅。
而學友更喺演唱會中提到,自己已經50幾歲,要咁樣又跳又唱唔係一件易事,仲問觀眾有冇見到佢劈一字馬,話口未完,佢即席演出,搞到班觀眾驚喜尖叫,佢笑住解釋話:「我只是證明50歲可以做,現在也可以做。」學友仲話一字馬係今個巡演中喺台灣演出「首劈」,舊年都冇得睇。
精選娛聞,喺晒《娛果》
http://fb.com/appledailyent