當年今日
關於我們

【開放嶼南】商戶:車位不足憂自駕遊添爭拗

蘋果日報 2016/02/25 06:00

自駕遊大嶼山開放嶼南大嶼山自駕遊計劃

大嶼山開放自駕遊,雖然可增加更多遊客推高消費數字,但不是所有商戶都舉腳贊成,有店主就憂慮配套不足會帶來問題。

在嶼南長沙經營餐廳及便利店的Frankie指出,大嶼山最大的問題是嚴重缺乏泊車位,本身已不足以應付當地居民,加上通往長沙的路極窄,而且是單線雙程行車,「所以每當有大型貨車出入時都會塞死晒,啲車又調唔到頭,好容易刮花,如果報埋警仲煩,又要塞住搞一大輪」。記者周一現場所見,Frankie店外的泊車位已接近泊滿,若再多兩、三輛外來車駛入,其他車肯定寸步難行。

Frankie解釋,居民大多互相認識,有必要時都可聯絡對方開車讓路,「但外來人泊低架車後唔知去咗邊,佢哋又未必識揀一啲唔阻人嘅位嚟泊,我相信自駕遊實施後,會增加好多爭拗」。他又說,嶼南本身沒有貨倉,只能依賴貨車由外面運貨入來,但假如將來有更多車佔用泊位,貨車也無法駛至其店外,結果他很可能要徒步行斜坡到路口搬貨。他坦言,不少當地商戶都對自駕遊計劃有所保留。

記者陳建平