當年今日
關於我們

【六四31●尖沙嘴】設計師呼籲市民應運用智慧:唔可以畀政府用惡法打壓

蘋果日報 2020/06/04 21:00

尖沙嘴

從事設計行業的黃先生表示,今日從網上新聞得知尖沙嘴有悼念活動,在附近的他便順道來獻花。過往也曾參與六四悼念活動的黃先生認為,香港人在不同時期,對六四也有不同的看法,「但爭取民主自由,我覺得係所有人嘅權利嚟,無論喺中國定香港,呢個行為都係值得支持。」
他又指,香港人應要借鑒歷史,六四事件正正反映着香港人現時所面對的境況,「希望我哋唔會行返佢哋條路。」面對政府強硬的打壓,黃先生指香港人日後出外表達訴求時「要好小心,我哋出去唔係為咗比人拉」,市民要運用智慧應對,「唔可以畀政府用佢嘅惡法嚟打壓我哋。」
從事藝術工作的林先生一同表示,自己從小便參與六四悼念活動,他指今日外出參與悼念活動時亦有擔心安全問題,「喺依加嘅情況下,唔知政府又會用啲咩藉口去打壓我哋悼念嘅自由。」
「以前冇諗過個關聯性,但係經歷過呢一兩年社會運動嘅情況,當年六四發生緊嘅嘢會唔會喺依加香港都發生緊呢」他認為,這是讓大眾清楚地思考及面對政府控制和打壓的時刻,「我哋要把握呢個機會,喺我哋仲可以做(表達訴求)嘅時候繼續做。」面對即將實施的國安法,林先生指「無論立唔立國安法都好,人心已經控制唔到」,只要心不變,每人也可在自己能力範圍內做到不同事情。
記者 趙媛媛
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆,我敢獎! 立即WhatsApp《蘋果》24小時爆相爆片熱線致電:63836568
empty
林先生從小便參與六四悼念活動。
empty
黃先生過往也曾參與六四悼念活動。