台灣有黑色聖誕老人，一身潮服，為露宿者送暖，原來香港也有，只是零散沒名堂，黃少群（Ricosir）是其中一個。金髮的她給人很潮的錯覺，其實她的背景集齊催淚元素：半單親家庭，子女尚小；月薪數千，生活捉襟見肘，可是自言樂天，成日笑笑口，不對人愁。聖誕前夕，她施展巧手，為露宿者縫製了11套睡袋避寒。親友笑她儍，她說，自己確實儍儍的，幫到人就開心。

晚上11點，跟一身黑身的Ricosir走到行人隧道探訪露宿者。她貌美，長着一張娃娃臉，雖年屆三十六，外表像二十多。自稱Ricosir，是刻意男性化防備狂蜂浪蝶。一個弱質女子，縱有朋友相伴，提着大包小包送暖，怕嗎？問起，她哭了。「好多人誤解露宿者係乞丐，其實唔同。乞丐係一份職業，而露宿者只係冇家嘅人，佢哋可能有正職，只係租唔起屋要瞓街。」送睡袋給露宿者，她不自覺跪在地上，介紹睡袋功能，「用防水布車成嘅，擋風擋雨好保暖。中間有棉布夾層，防地氣，側面係棉布透氣。睡袋係紅色，被人偷咗容易搵番。」睡袋的手工細節有點粗糙，Ricosir笑說自己連直線都未車得好。會繼續車睡袋嗎？「冬天就快過，冇需要啦，會再想吓點用收集嘅二手布，車嘢送人啦！」她在露宿者的帳篷，一邊夾上親手做的紅色蝴蝶結，一邊說MerryChristmas。蝴蝶結脹鼓鼓很可愛，大男人有何用？「係氣氛，用唔着，至少隻髮夾有用。」一大批蝴蝶結，用數小時車成，她很儍但很可愛。

記者：彭海燕