香港零售市道放緩，對核心區租務有一定影響，陽光房地產（435）行政總裁吳兆基表示，旗下零售物業主要處於民生區，例如將軍澳新都城中心一期：「民生區完全唔受影響，傾加租仲有唔錯嘅升幅。」

吳兆基認為，核心區的零售影響較大，尤其是高鐵及港珠澳橋開通後，令人流集中在車站附近，對一般旺區未起到太大作用。集團旗下位於上水的商場影響不大，因為水貨客及即日來回的自由行遊客數量維持在高水平。

至於辦公室續租方面，吳兆基留意到中環區的續租租金表現一般，幾乎未能加租，更留意到有租客般往其他地區慳租：「有啲大律師樓都會搬，好似中環繞道開咗，佢哋會覺得搬去北角都唔錯喎！」他認為租戶撤走中環的趨勢只會持續，但始終供應量不多，租金不升也不會跌太多：「中環未來十年大約只得兩幢新大廈，加埋港島其他地區，未來十年供應量只得三百幾萬呎，係比較少。」

吳兆基續指，未來會繼續留意潛在收購，但暫時不考慮內地市場，由同系恒地（012）注入新資的機會亦不大:「恒地近來賣嘅資產都幾好價錢，咁我哋買返嚟嘅回報就未必咁高。」

陽光房地產截至去年中期可分派收入按年升8.2%至2.32億元，中期派每基金單位13.2仙，收益增6.4%至4.2億元，物業收入淨額升9.2%至3.39億元。

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb