武漢肺炎 疫情 肆虐，凌晨時分突然爆出青衣長康邨康美樓的兩宗確診感染武漢肺炎個案，可能因共用同一條糞渠，但室內排氣管並無密封而有所關連。大批居住A座07室單位的住戶緊急疏散，導致大廈內的其他住戶亦人心惶惶。

居於康美樓低層05室的住戶李先生向《蘋果》表示，自己凌晨時分才得悉事件，回家時看到有大批醫護人員到場，得悉07室的鄰居需要緊急疏散接受隔離，故感到有點擔心，「好小心保護自己， 香港 人經歷過03年沙士，大家警覺性較高」。不過他亦坦言，自己本以為康美樓很安全，直至其後13樓有人確診，如今3樓同一單位亦有人確診，感覺武漢肺炎的傳染性「有啲似當年淘大一樣，唔講得笑」。

對於武漢肺炎，李先生形容病毒「好勁」，「命中率好高，死亡率唔高，但係依家暫時冇藥醫」。他認為「中招」後的病情很視乎個人，「就好似大陸、武漢啲人，你硬淨嘅，就唔會死」。

問及他如何對抗疫情，他則指目前 口罩 需求相當緊張，「惟有不出街」。他指，自己雖然相當注意衞生，過去亦經常用漂白水抹地，但物資短缺的情況下，家居保護措施難以進行，猶如「真空」狀態，「因為買唔到漂白水，口罩又買唔到，所以我哋都係無能為力」。

談及抗疫戰上的政府措施，他隨即直斥政府「好有問題」，認為政府抗疫措施太遲實施，「其實係可以及早避免，如果一早封關就可以避免啲大陸人嚟」。他指市民希望政府封關，並非指拒絕所有人出入，而是對內地人及內地返港的 港人 ，作出適當的隔離，當中並沒有歧視成分，「要停一停，全世界都係咁做， 香港人 返到嚟，係咪應該搵個地方隔離呢？」

他又指，目前政府的態度就像「賭博」，「簡單一句，就係睇你會唔會中招，而家政府嘅態度就係，放晒啲人落嚟，同你賭一鋪，睇吓有幾多人中。」他形容，若市民沒有確診屬幸運，「你中嘅，佢（林鄭）亦都唔會惋惜」。他認為目前政府要負很大責任，「完全係做唔到應該做嘅防疫措施，連基本市民都知道，最簡單點樣去防疫，去對付源頭，佢（林鄭）都唔做」。