陳美琪99年同老公忻尚永結婚之後，喺08年收養咗因為先天脊椎爆裂而導致腦積水嘅養女LuLu（Lucia），o依家唔經唔覺已經10歲，Lulu出世以來不時進出醫院，11年佢就進行過割腫瘤手術。

噚日平安夜，陳美琪貼咗囡囡坐住輪椅扮鬼臉嘅相上微博，留言話：「這就是最好的聖誕禮物！女兒哭過、害怕過、擔心過，捱過手術刀後，又是一條好漢！感恩！感恩！」今日《蘋果》問陳美琪囡囡究竟乜嘢事做手術，佢透過WhatsApp話：「女兒要矯正左腳內翻，是先天缺陷。22號開刀，現在已經回家了！去年暑假矯正了X腳的問題，兩個膝蓋靠著，像個X字母，所以常常摔倒，手術把她的雙腿拉直，已經改善了！今年就矯正內翻的腳掌。」陳美琪又慨嘆話：「人生就是在過關，過了一關又一關！唉，人生如此，她也不想的，我更不想，看著心疼！」

更多娛聞，喺晒《娛果》
http://fb.com/appledailyent